華 少 警 務 處 見 習 督 察，服 務 部 隊 近 1 年。

文 章 內 容 全 屬 原 作 者 意 見，與 本 網 立 場 無 關。

→ 接 故 事 1

係 警 校 受 訓，最 辛 苦 既 係 步 操，我 由 細 個 開 始 參 加 童 軍，到 大 個 加 入 民 安 隊，到 而 家 係 一 個 警 察，步 操 變 成 我 成 長 歷 程 既 一 部 分，無 可 致 疑，警 校 步 操 既 辛 苦 程 度 比 起 民 安 隊 辛 苦 大 約 一 百 萬 倍 度 啦，仲 記 得 第 一 日 學 步 操，就 係 學 attention，呢 個 動 作 好 簡 單，只 要 企 定 定 就 得 ( 企 定 定 既 定 義 係 全 身 企 直，兩 隻 手 要 伸 直 向 下，仲 要 緊 貼 身 體，因 為 阿 sir 會 無 時 無 刻 咁 係 你 後 面 郁 下 你 隻 手，如 果 你 俾 佢 郁 到的 話 就 即 係 話 你 隻 手 唔 夠 用 力 緊 貼 身 體，到 時 就 要 拿 住 啞 令 黎 企。

跟 著 個 頭 向 上 望 三 十 度，隻 眼 只 准 向 一 個 方 向 望，俾 佢 望 到 你 周 圍 望 的 話，我 真 係 唔 知 佢 會 唔 會 插 你 眼 同 腰，呢 個 動 作 好 似 都 企 左 成 個 幾 鐘 頭 呀，企 完 之 後，唔 知 點 解 個 個 都 面 青 青，仲 目 無 表 情，個 人 呆 呆 滯 滯。可 能 企 得 太 耐，腳 已 經 冇 咩 感 覺。由 第 七 週 開 始，就 要 參 與 每 個 星 期 三 日 既 晨 早 步 操，呢 個 步 操 每 班 都 要 參 與，千 萬 唔 好 睇 少 呢 個 步 操，你 星 期 六 有 冇 得 走，同 駛 唔 駛 受 罰 都 係 睇 佢，阿sir 話 你 操 得 差，你 就 大 鑊 啦…

我 地 個 班 就 試 過 四 次 慘 無 人 道 既 受 罰，第 一 次：阿 sir 話 我 地 操 得 差，基 本 工 唔 夠，咁 我 地 就 要 做 一 個 基 本 動 作，金 雞 獨 立 … 快 則 五 分 鐘 轉 腳，慢 則 十 五 分 鐘 都 仲 係 果 隻 腳… 第 二 次，圍 著 宿 舍 鴨 仔 跳 一 個 圈，宿 舍 外 圍 唔 係 好 大，大 約 五 十 米 至 七 十 米 左 右，但 呢 次 最 甘，成 班 冇 一 個 人 可 以 跳 得 哂，第 三 次 係 食 草，食 草 既 意 思 係 只 可 以 鞋 跟 著 地，鞋 尖 向 天 咁 行，我 地 行 左 大 約 三 十 分 鐘 左 右，成 班 人 真 係 差 一 點 就 抽 筋，可 想 而 知 咁 行 係 幾 咁 辛 苦。

第 四 次 係 march time + push time，march time 大 家 都 知，即 係 左 右 腳 輪 流 升 上 九 十 度 角，左 腳 觸 地，右 腳 就 要 升 起，而 push time 都 好 容 易 理 解，就 係 同 march time 一 樣，不 過 要 大 力 踏 地，呢 個 係 最 甘，因 為 好 用 力 同 好 倦，呢 個 最 長 係 試 過 受 罰 四 十 五 分 鐘…。不 過，辛 苦 係 有 回 報 的，我 地 既 步 操 水 平係 成 條 線 最 好 的，而 我 個 班 亦 因 為 咁 而 被 選 為 代 表 警 隊 參 與 國 慶 升 旗 禮。可 謂 苦 盡 甘 來。

體 能 對 一 個 警 察 黎 講 係 好 重 要，你 冇 體 能 的 話，就 咩 都 做 唔 到，警 校 既 體 能 教 練 好 清 楚 及 明 白 呢 點，所 以 佢 地 會 好 俾 心 機 咁 訓 練 各 位 架。 我 最 記 得 有 一 個 教 練 佢 之 前 係 飛 虎 隊，佢 既 訓 練 方 式 簡 直 係慘 無 人 道，首 先 每 人拿 一 個 十 五 旁 重 既 啞 令，左 右 手 為 之 一 下，每 人 要 連 續 舉 一 百 二 十 下，跟 著 再 向 天 舉 六 十 下，接 著 立 刻 跑 400米，慢 過 一 分 三 十 再 跑 過，然 後 企 定 定，每 人 舉 起 啞 令 hold 住 九 十 度 角，呢 下 真 係 唔 知 hold 左 幾 耐，我 覺 得 就 有 成 分 幾 鐘，但 最 後 相 信 只 係 hold 左 約 三 十 秒 度，再 連 續 舉 多 一 百 二 十 下，咁 就 完 啦，成 個 過 程 唔 好 以 為 好 耐，其 實 15 分 鐘 已 經 做 哂 所 有 野，不 過，呢 十 五 分 鐘 同 過 十 五 年 冇 咩 分 別。

警 校 有 個 傳 統 係 叫 大 檢，即 係 查 房，顧 名 思 義 就 係 高 級 阿 sir 會 檢 閱 你 的 制 服 同 裝 備，順 便 睇 下 你 宿 舍 乾 唔 乾 淨，我 成 期 有 三 次 大 檢，人 地 話 大 檢 做 得 差，唔 合 乎 阿sir 要 求 的 話，大 檢 就 會 變 成 大 殮。 所 以 大 家 都 好 重 視 呢 次 查 房，查 房 既 標 準 就 係 整 齊 同 乾 淨，每 次 大 檢 前 三 日 大 家 都 要 開 始 分 工 去 清 潔，點 樣 為 之 乾 淨？好 簡 單，一 塵 不 染，冇 錯 的 確 一 粒 塵 都 唔 可 以 有，而 且 制 服 一 定 要 直，鞋 一 定 要 反 光 ( 不 過 好 彩 制 服 同 鞋 既 工 序 可 以 用 錢 請 人 搞 掂 )。而 且 每 樣 野 都 有 一 定 既 位 置，絕 對 吾 可 以 錯，所 以 每 次 大 檢 既 壓 力 係 相 當 之 大 …

相 比 起 前 警 隊 既 訓 練，無 疑 而 家 既 訓 練 方 式 有 好 大 既 改 進，首 先 而 家 已 經 唔 可 以 打 學 警 先 啦，我 聽 師 兄 講 以 前 真 係 好 甘，我 講 既 所 有 經 歷 佢 地 都 話 係 碎 料。可 想 而 知 以 前 係 幾 咁 辛 苦，不 過，我 始 終 都 認 同 警 校 咁 樣 既 訓 練 方 式，因 為 咁 先 至 可 以 訓 練 一 個 真 真 正 正 的 警 察，係 一 個 硬 漢 子。

到 左 畢 業 個 日，係 幾 百 人 面 前 浩 浩 蕩 蕩，精 精 神 神 咁 步 操，果 種 成 功 感 真 係 難 以 形 容，再 加 上 步 操 咁 齊，可 以 話 係 一 種 驕 傲，到 左 而 家，我 仲 成 日 諗 返 起 畢 業 操 既 情 景。

華 少